واحد الغاشي ما يفهمو

واحد الغاشي ما يفهمو والو..يعني حابسين …مثلا الكوكاو اللي بالقشور يكتبولهم عليه عبارة’ اضغط هنا ‘…التقاشر مكتوب عليهم ‘يمين شمال’ البنان مكتوب عليه ‘يؤكل من الداخل’ الياوورت مكتوب فيه من الاسفل’ انتهى ‘ العلبة نتاع التونة مكتوب عليها ‘لاتخف انه ميت

الدجاجة الذكية

مره واحد عنده مزرعه دجاج وراه للمزرعة نتاع الدجاج لقى
ما باضوش ولا بيضه ،حكم دجاجة وقص ريشها وقال اللي مش رايحة تبيض
في اليوم 5 بيضات نديرلها كيما درت للدجاجة هذي ، جا تاني يوم ولقي الدجاج
كلها بايضين 5 بيضات الا وحده بايضه بيضتين برك،حكمها
وقال وعلاه 2 ، ردت عليه وقالت: احمد ربي على زوج … راني فروج.

عندك الزهر

واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة

واحد غني و الخر فقير

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول