واحد لعجوزة راحت عند الطبيب

قالك واحد لعجوزة راحت عند الطبيب قاتلوا ياوليدي انا كي ناكل تفاحة في مـخي نشوف روحي كليت زوج وكي نشرب كاس ماء نشوف شربت زوج قاتلوا واش ندير
قالها عودي امشي بالنصف كولي نص تفاحة تظهرلك كليتي وحدة واشرب نصف كاس ماء تشوفي شربتي كاس
قاتلوا يرحم والديك يابني شحال حقك قالها 20DA عطاتوا 10DA قالها زيدي 10DA
قتلوا لا كي نعطيك 10DA نشوف روحي عطيتلك 20DA

حبو يتخاطرو باش يقفزو

قالك وحد النهار واحد جزائري و واحد تونسي و واحد مغربي طلعو لدار عالية و حبو يتخاطرو باش يقفزو ايا قال التونسي نشرب الويسكي وعليه نريسكي وقفز والمغربي قال نشرب الهنكن وعليه ندربل و قفز ايا قالهم الجزائري نشرب الروج ونهبط عالدروج

الفـرق بـيـن الثـلاجـة الجزائرية والثـلاجـة الاوروبـيـة

الـثـلاجـة الأوروبية :
لبـن قـلـيـل الـدسـم .. لحـوم “بنسـبة قـلـيـلـة فـقـط”
خـضـروات
ورق عــنـب .. شوكـلاتـه .. بـيــض .. كيـوي وتـوت .. عـصـيـر بـرتـقـال .. كـوكـا كـولا

الثـلاجـة االجزائرية:
لعـدس تاع البـارح فالكـاسـرونـة .. نـص باطة فـرمـاج (اذا كان) .. حشيش ومعدنـوس مخـبيـة موراهم باطة ياغوت .. قراعـي ما سعيدة معمرين بالمـاء تع الروبـينـي .. نـص حبة قارص مـن رمـضـان .. كاشي تع الراس .. لي ڨوت تع العينين والسيرو تع السعلة

وأهم حاجة .. قرعة تع الخل من عهد الفينيقيين !!

البخيل مريض

قالك واحد البخيل كان مريض وراقد على فراش الموت. بدا يسقسي في اولادو: وين راه
محمد؟ قالو محمد: راني اهنا. زاد سقسى: وين راه قدور؟ ابدا قدور يبكي و قالو: راني
اهنا. أيا قالهم: واش…راكم قاع اهنا… وشكون اللي راه قاعد في الحانوت

شريط كاسيت

ان يحبون الهدوء الأول استمع إلى شريط كاسيت فارغ ،والثاني يحب الهدوء

أكثر من الاول فطلب منه أن يخفض الصوت قليلا!!!!

عندك مخالفة

كانت واحد المراة تسوق في سيارة ،
حرقت لفو روج امالا حبسها شرطي قالها عندك مخالفة

واش قاتلوا ؟؟…
.
عيط لبلحاج يديرها

نميرو في الزهر

واحد مجنون عيط في البرتابل ديالو لنميرو في الزهر مالا جاوبت وحدة قالها هذا النميرو نتاع محمد قاتلوا لالا قالها مالا وعلاه تريبوندي

علبة نتاع مسامير

مزطول رافد علبة نتاع مسامير و طاح منهم مسمار قالو يا ولدي أرجع يرحم بوك
ارجع…. المسمارمحبش يرجع…. فرّغ علبة المسامير كلها و قالهم :
جيبوووووووووووووه

نوضيني بكري غدوة.

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه… قلتلها نوضيني نوضت خويا

طاكسيور ركب معاه سلفي

قالك طاكسيور مزطول ركب معاه سلفي
الطاكسيور شاعل البوست أو زايدلو و الكليماتيزور
السلفي ضراتو البرودة قال للطاكسيور الكليماتيزور كان كاين في عهد النبي صلى الله عليه و سلم .قالو لا .قالو مالا طفي الكليماتيزور
طفاه
أمبعد قالو البوست كان كاين في عهد النبي ضلى الله عليه و سلم قالو لا.قالو مالا طفي البوست
طفاه
الطاكسيور قالو لوتومبيل كانت كاينة في عهد النبي صلى الله عليه وسلم
قالو لا
قالو مالا اهبط و استنى قافلة من قافلات قريش تجي تركبك

حاوز طفل مالقراية

مسؤول في مدرسة حاوز طفل مالقراية ، راح جاب باباه
سقساه: علاش حاوزتو !!؟؟
لمسؤول : وليدك غبييييي ودوك نبينلك
جاب بيضة تاع نعامة وقال للطفل بيضة تاع واش هادي ؟؟
الطفل : بيضة حمار
شاف المسؤول في باباه
باباه : أقسم بالله ماوريتلو

دزينة مناديل

إشترى جزايري دزينة مناديل بثمن باهظ فلما رجع لبيته لماماه ومرته و بخوه على الشرية فرجع للبياع وقال له لقيتها كبيرة على أنفي