ادا كان التدخين محرم

بوليسي كان يحقق مع مزطول : قالو ادا كان التدخين محرم
واش تتوقع تكون الزطلة ؟؟ قالو المزطول :
الصراحة ما علاباليش بصح قادرة تكون ذو القعده

مزطول عيط لمرتو

مزطول عيط لمرتو
قالها عجبك الزلاميط – الكبريت -لي شريتو؟؟
قالتله ولا وحدة ما حبت تشعل
… … قالها: الله لا تربحك خرجتي كذابة كيما يماك
كيفاه اني لبارح جربتهم كامل شعلو

ملكية المنزل

واحد حابس , جاتو الحكومة قاتلو أعطينا وثيقة إثبات ملكية المنزل , جابلهم فوطو تاعو متصور في الحوش انتاع الدار

نوضيني بكري غدوة.

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه… قلتلها نوضيني نوضت خويا

مزطول قاعد غير يخمم

مزطوووول قاعد غير يخمم جات ليه يماه قاتلو واش بيك ؟؟؟
. . . . . .
قالها راني حاير كي كنتي نتي صغيرة شكون كان يطيّبلنا الفطور ؟؟

مزطول و راعي غنم

مزطول سأل راعي غنم : إذا عرفت عدد غنمك من نظره وحده واش تعطيني ؟
……………قالو : اعطيك خروف
قالو الزطول : عندك عشرين.
قالو : والله صحيح يالله خذ خروف
اخذ المزطول واحد ومشى
……………………ناداه الراعي
وقالو : إذا عرفت انت وآش ينادونك •••
ترجع اللي اخذته ؟.
قالو : موافق
قالو الراعي : إنت ينادونك مزطول !
قالو : كيفاش عرفت ؟
قالو : لأنك اخذت الكلب

le pere vendredi

واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ……le pere vendredi (اسمه بو جمعة)