وحدة كاتبة فـ البروفيل ديالها

وحدة كاتبة فـ البروفيل ديالها
يتسرب إلى أجسادنا ثم يتكاثر ويجتمع عند الحنجرة
يمنعنا من التنفس و الحديث ويقتلنا ببطئ
هذا هو الحنين و الحب
هههههههههههه
هادوك القرآجم واش من حب الله يهديك

ديما يغسل المواعن

قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كشما مواعين نغسلهم

وصية الحمار

قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟

وحدة قآعدة بتضحك

وحدة قآعدة بتضحك مثل آلهبلة سألوهآ : مآلك ؟!
قآلت : صآحبتي سرقت رقم حبيبي !!! ”
طيب وعلاش ركي تضحكي هاك
!?? : قآلت : راها في أسبوع تبعت رسآيل حب ل ( أخوهآ )

واحد الشايب مريض قريب يموت

-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا
دارو عليه ولادوا وجابوا معاهم العصي عطا الشايب لواحد من ولادو 2 عصيات
وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل
ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم
باباهم وقالهم: روحوا يا ولادي مدام معاكم الجحش هذا ما نخافش عليكم

مبروك الكبش

قالك واحد المراة طول تعس في واحد الراجل مالباطيمة ( العمارة) واش جاب واش ماجابش
وهو اسموا مبروك … فالعيد نزل كبش مسكينة هديك هي نيتها طلت عليه قاتلوا مبروك الكبش قالها عتيقة البايرة

عندك ملح ؟ اعطيني سكر

واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟ أعطيني سعيدة , يصقصيه على حاجة ويدي حاجة أخرى , المهم وحد المرة كان جايز باباه , عيطلو مول الحانوت قالو : ولدك راه يمرضني , يصقصي على حاجة ويدي حاجة أخرى , قالو باباه : عندك عصا ؟ قالو ايه , قالو أضربو بكف