سكران قاعد قدام صومالي

سكران قاعد قدام صومالي
دار للصومالي و قالو أنت صيني ؟
استغرب الصومالي و قال لا.
قعد شـويه ورجع وسأله ياخويا أنت صيني ؟
..
تنرفز الصومالي قال لا ياخويا
قعد شـويه دارلو السكران مرة أخرى وقاله :
مالا امك صينيه؟
تنارفا
الصومالي وقال
اي ٱنا صيني وامي صينيه واسمي شونغ لي زو
ارتحت
قال السكران : غريبه تقول صومالي سبحان الله
كي فطن صباح لقا قرلو
قالو لوكان ماجيتش وليدي نقتلك بلبليغة

قارة إفريقيا

كاين واحد الراجل أموشم قارة إفريقيا على كرشو, أيا واحد الخطرة مرض من كرشو و باقية تسطر عليه بزاف
أداووه مسكين حاصل للسبيطار, كي لحق عند الطبيب, كسلوه فوق السرير و من بعد سقساه الطبيب:
واش بيك ؟
قالو المريض: أأأأأه ه ه… كرشي دوكدور دايرا في.. حالة
نحالو الطبيب لقمجة و بدا يقلب فيه و من بعد سقساه:
وين تحس بالسطر إكزاكت ؟
قالو المريض: حدا الزيمبابوي ..!!!

يحرك صبعو بزاف

واحد جزايري يصلي في الحج و يحرك صبعو بزاف كي يشهد، سقساه 1 سعودي علاه، جاوبو:انتوما عندكم الريزو قاوي و احنا ماعندناش فلبلاد لازم نحوسو عليه !

المصري والجزائري

أيا قالك المصري والجزائري دخلوا للمطعم وحد النهار , أيا الجزائري طلب راس خروف مشوي ووحدة بيبسي , المصري طلب سمك وبيبسي , وممبعد شوي المصري كلا السمك انتاعو وشرب البيبسي انتاعو وانتاع الجزائري , الجزائري قالو : وعلاش ؟؟ قالو المصري : السمك عايز يسبح, شاف معاه الجزائري وعطاه بدماغ ” راس ” وقالو : حتى الخروف عايز ينطح

ديما يغسل المواعن

قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كشما مواعين نغسلهم

واحد غني و الخر فقير

قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

أغنياء أرادا التبرع بأموال للفقراء

ثلاثة أغنياء أرادا التبرع بأموال للفقراء وكان ثالثهم بخيل جدا . فقال الاول /سوف أرسم دائرة وأرمي نقودي فالتي تقع داخلها لي و التي تقع خارجها للفقراء . وقال الثاني /أنا أرسم خطا و أرمي فما وقع على اليمين لي وعلى اليسار للفقراء . أما الثالث /أرمي نقودي في السماء التي تسقط لي والتي تبقى في الهواء للفقراء

واش اسمك ؟

واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة

يسكن في القرية دا الباك

واحد يسكن في القرية دا الباك وباه يروح للجامعة خاف
يضحكو عليه قالتلو أمو روح برك النهار اللول يضحكو عليك والنهار الثاني
يضحكو عليك والنهار الثالث توالف وتروحلك العقدة قالها : مالا حتى النهار
الثالث