العلم الوطني

وحد السيد قال لبوتفليقة : علاش ما نديروش حاجة في العلم الوطني انتاعنا كيما في العراق دايرين الله أكبر و في السعودية دايرين لا اله إلا الله , قالو بوتفليقة واحنا واش نديرو ؟ قالو نديرو ” الله غالب “

بن لادن احتجز رهائن

أيا قالك بن لادن احتجز رهائن في وحد الكهف , المريكان حبت توعيه بعثتلو الرؤساء انتاع الدول باش يحاوروه,أيا دخل بوش للكهف باش يحاور بن لادن , بعد ساعة خرج بوش لابس عمامة ومسلم, أيا دخلولو ساركوزي باش يحاورو,بعد ساعة خرج ساركوزي لابس عمامة ومسلم, أيا داخو مالقاوش اللي يقنعو,داولو بوتفليقة , دخل بوتفليقة للكهف , بعد ساعغة خرج بن لادن ” نعم لعهدة ثالثة “

وسيلة متطورة لنقل الاخبار

قالك وحد المرة الرئيس الامركي اوباما سقصاا واحد الجندي من جنوده .
قاله اسمع راهم الجزائريين عندهم وسيلة متطورة بش ينقلو بها الاخبار بيناتهم لازم نعرفوها قاله بلي الوسيلة هاذي اسرع من البرق -*-* حط الخبر يعم عن الوطن كامل –*
راح الجندي بحث بحث بحث في لبلادد كامل و رجع لاوباما و قاله : سيدي الرئيس الجزائريين عندهم وحد الكود يتعاملو بيه يسموه : -*-* كاش جديد-*-* و اذا كان خدم هاذا الكود يتم نقل الاخبار بسرعة …
قالك اوبام قرر انه يتنكر جيدا و يروح للجزائر ..
هبط في الجزائر متنكر مليح و راح بحذا الموقف نتاع الحافلات و لقا واحد السيد واقف فقرر اوباما استخدام الكود ….
قال : -*-* كاش جديد-*-*
رد عليه السيد : و الله تو ما كاين والو مي ….
يقولو بلي راهو اوباما يدور في لبلاد ..