صندوق تحت الدار

قالك واحد الراجل كان على فراش الموت و جمع أولادو، قالهم: راني مخبي واحد الصندوق تحت الدار و مات…………
وهما يهدمو الدار و حفرو لقاو صندوق حلوه. لقاو فيها ورقة مكتوب فيها
إلا كنتو رجال عاودو بنيو الدار

اذن أنت أمي

استدعت أستاذة ولي تلميذ لأن ابنه تشاجر مع أحدهم
فقالت خذ هذا الإستدعاء
واقرأه فأجاب الوالد : لا أعرف القراءة
فقالت الأستاذة: إذن أنت أمي
فرد الوالد:ما تغلطيش يا الشيخة أنا أبي ماشي أمي

زوج محششين تخاطرو

زوج محـ.ـشـ.ـشين تخاطرو : الاول نحن في الليل
الثاني نحن في الصباح
ثم سألوا محـ.ـشـ.ـش آخر : نحن في الليل او الصباح فقالهم منسكنش هنا.

لضوء يجي ويروح

خطرة جارة شافت الضوء يجي ويروح في دار جارها
مشات تشوف واش كاين لقاتوا يقرا في كتاب وكي يقلب الصفحة يطفى الضوء

البخيل مريض

قالك واحد البخيل كان مريض وراقد على فراش الموت. بدا يسقسي في اولادو: وين راه
محمد؟ قالو محمد: راني اهنا. زاد سقسى: وين راه قدور؟ ابدا قدور يبكي و قالو: راني
اهنا. أيا قالهم: واش…راكم قاع اهنا… وشكون اللي راه قاعد في الحانوت

واحد الغاشي ما يفهمو

واحد الغاشي ما يفهمو والو..يعني حابسين …مثلا الكوكاو اللي بالقشور يكتبولهم عليه عبارة’ اضغط هنا ‘…التقاشر مكتوب عليهم ‘يمين شمال’ البنان مكتوب عليه ‘يؤكل من الداخل’ الياوورت مكتوب فيه من الاسفل’ انتهى ‘ العلبة نتاع التونة مكتوب عليها ‘لاتخف انه ميت

واحد جاهل

مرة واحد جاهل اتزوج بوحدة ولدت بعد 3 شهور حلف يقتلها
قالتله رواح نحسبوها أنت شحال عندك من لي تزوجت ؟
قالها 3
قالتلو وانا شحال عندي من لي تزوجت؟قالها 3
قالتلو واحنا شحال عندنا من لي تزوجنا؟قالها 3
قالتله 3و3و3 يساوي 9
قالها صدق اللي قال العلم نور

السرارقة دخلو لدار فيها راجل ومرتو

قالك واحد السرارقة دخلو لدار فيها راجل ومرتو رسمولهم دوايرة في الدار و حطوهم فيها وقالولهم ماتخرجوش منها حتانسرقو الدار ونخلصو وكون يخرج صبع من الدوايرة نقتلوكم و مباعد شوية ناد الراجل يضحك قالتلو مرتو علاش تضحك قالها من الصباح وانا نخرج في رجلي ومافاقو

حاوز طفل مالقراية

مسؤول في مدرسة حاوز طفل مالقراية ، راح جاب باباه
سقساه: علاش حاوزتو !!؟؟
لمسؤول : وليدك غبييييي ودوك نبينلك
جاب بيضة تاع نعامة وقال للطفل بيضة تاع واش هادي ؟؟
الطفل : بيضة حمار
شاف المسؤول في باباه
باباه : أقسم بالله ماوريتلو

اعطني الدراهم

واحد الطلاب كان يهدر مع وحدة سمينة قالها ‘اعطني الدراهم باش نشري الخبز راني يومين ما كليتش’ قاتلو’ راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم

صلعة الاستاذ

كان أحد الأساتذه يتميز بصلعة كبيره ملساء , وذات يوم بينما كان يحك صلعته بكلتا يديه قال له طالب متفلسف :” ياأستاذ، يقولون ان علاج الصلع هو ان تجعل بقره تلحس رأسك” فما كان من الأستاذ الا ان حنى رأسه ، وقال : ” اتفضل..الحس”

وصية الاب

واحد الراجل قال لولادو كي نموت أدفنوني واقف , قالولو وعلاش ؟ قالهم الميترة انتاع الأرض بـ 100 ألف