شراء كبش العيد

واحد اتجه لشراء كبش العيد فقال للبائع بيعلي الرخيس فيهم فقال له البائع : تأكله هنا أو تأخده في ساندويتش

أصغر حشرة في العالم

واحد المرة دارو مسابقة علمية بين العربي والمريكاني , أيا عطاوهم السؤال الأول ما هي أصغر حشرة في العالم ؟ الماريكاني بدا يخدم بالميكروسكوب والأنترنت والأبحاث والحالة , المهم قالهم لقيت النتيجة أصغر حشرة في العالم هي الزيمبا وتعيش في أذن القرد , عطاولو 10/10 , أيا جا العربي قالولو ماهي اصغر حشرة في العالم , قالهم النيمبا , قالولو وين تعيش , قالهم في أذن الزيمبا

شحال عندنا من لي تزوجنا؟

مرة واحد جاهل اتزوج بوحدة ولدت بعد 3 شهور حلف يقتلها
قالتله رواح نحسبوها أنت شحال عندك من لي تزوجت ؟
قالها 3
قالتلو وانا شحال عندي من لي تزوجت؟قالها 3
قالتلو واحنا شحال عندنا من لي تزوجنا؟قالها 3
قالتله 3و3و3 يساوي 9
قالها صدق اللي قال العلم نور

قارة إفريقيا

كاين واحد الراجل أموشم قارة إفريقيا على كرشو, أيا واحد الخطرة مرض من كرشو و باقية تسطر عليه بزاف
أداووه مسكين حاصل للسبيطار, كي لحق عند الطبيب, كسلوه فوق السرير و من بعد سقساه الطبيب:
واش بيك ؟
قالو المريض: أأأأأه ه ه… كرشي دوكدور دايرا في.. حالة
نحالو الطبيب لقمجة و بدا يقلب فيه و من بعد سقساه:
وين تحس بالسطر إكزاكت ؟
قالو المريض: حدا الزيمبابوي ..!!!

خطرة واحد أنوش

قالك خطرة واحد أنوش كيما يقولك فاملات كيما دار معاه بوه ما سلك معاههبله و كل خطرة يخرجله خرجة جديدة ايا بوه بغى يسقمهه شراله كتوبا تاع الدين و الفقه و قرر يديره في شومبرا (غرقة) لمدة اربع ايام باه يتفقه قي امور الدين كي كملت المدة ولدو خرج فرحان ايا قاله بويا صايي اقتنعت باغي ندير الحجاب

البرازيل و الصومال

الاستاذ سأل التلميذ من الذي يفوز البرازيل أو الصومال؟
التلميذ: هذا سؤال يا أستاذ اكيد البرازيل تفوز
الاستاذ : اذا لعب الارنب مع الذيب من يفوز؟
التلميذ: اكيد الذيب اللي يربح لانه أقوى
الاستاذ: ما الذي استنتجته من هذه الاسئلة؟
التلميذ: الاستنتاج النهائي بين البرازيل والذيب

وحدة سمينة

واحد الطلاب كان يهدر مع وحدة سمينة قالها ‘اعطني الدراهم باش نشري الخبز راني يومين ما كليتش’ قاتلو’ راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم

رجل وزوجتة

رجل وزوجتة دعاهم رجل امريكي الى الغداء علما ان الرجل لايجيد الانجليزية بعد الغداء وضعو الفاكهة العنب فالرجل هجم على صحن العنب وبدا ياكل بشراهة فقالت له زوجته يكفي لقدانزلت من قيمتي بطريقة اكلك (بخست بيا) فجاة مرت عليه زوجة الرجل الامريكي وقالت it’s good فقال لزوجته حت فيك قالت لي زد عنقود